theme-sticky-logo-alt
theme-logo-alt

Ha ka 16 tarik u khut yalang u DC wow pyrkhat ya ki khynnah wa dooh thaw puræ

Advertisement ad1

Ynnin ka sngi neiliang ka JSM Western Region wa ka JYF Jowai Circle da lai yachem ki ya u Deputy Commissioner ka West Jaiñtia Hills wow pynsñiaw yei chem chitom ki khynnah kiwa dooh thaw puræ ha ki skur wa em ha Jowai.

Neiliang ki ar seiñ da dawa ki na u DC wow thooh ki laad wow yoh thaw kini ki khynnah kiwa dooh thaw neibhah hadooh katni ka yukheiñ wa da yoh da ong wa ki khynnah wa dooh Admission ha ki Class XI em ki 91 ngut katwa ha ka BA won em kamwa 15 ngut.

Advertisement ad1

Hadien i yaklam neiliang u DC daw khut yalang u myntu ka sngi ya ka DSEO wa ki Principal ka Kiang Nangbah HSS, ka Govt. Boys wa Govt. Girls Higher Secondary School.

Da ong u leh wa daw pait ya ka yutip ki khynnah kiwa dang dooh thaw puræ kiwa da dep wan e ya ki Application wei i rai wow e thaw puræ ya ki u chim ha ka yalang wow man ha ka 16 tarik uni u bnai.

Share this:
Previous

Da toh pynhaap ya u chabi kari ha Ladthadlaboh

Next

Pynman ka MCSWA yei pynsñiawthooh hajrong i kjut HIV/AIDS ha chong Mookhain