Ka Dongmusa ka 6th Meghalaya Games 2025 kawa da sdang wow lai luti deiwa mih na P.A. Sangma Stadium, Tura, West Garo Hills ha ka 17 tarik wei dapoi ko ha Shillong ha ka 18 tarik, daw poi ko sa ha Jowai haka 20 tarik yow pynkhreh noh yei wai ya kani ka lympung yaleh Sports wa heh dooh ka jylla.
Kani ka Dongmusa toh kawa pynyoo yei dak yatylli, i mynsien yalehke kamjooh i chit mynsien kiwa chong chnong ka Meghalaya wei daw lai rah ka cha Yungwalieh ka Loomkyrwiang wei daw booh ka heini nadooh 2:00 waje i sngi yow pait ki paidbah ka.
Kani man ko leh kam chibynta wow e laad ya kiwa chong chnong ka Jowai wow lehkmen wei wow pynyoo yei sarong wow pdiang ya kani ka Meghalaya Games.
Ka Meghalaya Games 2025 daw wanrah ko ya kiwa yalehke na kylleiñ ka jylla kiwa daw yakhun ha kiwa boon ki jait yalehke da ka thong wow e mynsien ya ki khynroo khyllood kiwa em i sap i tap ha kiwa boon ki jait Sports, yow wanrah yei yatylli kamjooh i chait i khiah.
Kamtæ da khut ya waroh wow wan chimbynta ha kani ka lehkmen wow sahkynmoo wei wow lehkmen yei wan kani ka Dongmusa ha Jowai.
Discussion about this post