Ka 11th Secondary School Football Knock-Out Tournament da pteiñ yaka ha madan Pdengshakap deiwa pynman ar tylli ki yalehke.
Ka yalehke wa nyngkong da pynman hapyrdi ka Nongdawah SC (Mawryngkneng) waka Friends United FC heiwa ka Nongdawah SC da jop ko da 2-1.
Yaka Friends United FC da thap kool da u Johi Mynsang haka minit wa 66, katwa yaka Nongdawah SC won da yoh u thap kool da u Babetto Mawthoh haka minit wa 26 wa u Baehbok Sari haka minit wa 39.
Haka yalehke wa ar won ka YC Pdengkarong da jop ko yaka Shkenpyrsit SC da 3-1.
Yaki kool yong ka YC Pdengkarong da yoh u thap da u August Buam haka minit wa 44 wa 79 wa u Batskhem Pohshna haka minit wa 50 katwa yaka chi kool won yong ka Shkenpyrsit SC da yoh u thap da u John Mukhim haka minit wa 45.
Daw pteiñ biang yaka yalehke haka 25 tarik uni u bnai kawa man ka yalehke 2nd Round wa nyngkong kiwa daw sdang daka Kynrumlang-i FC waka Brother Enterprises FC heipor 12:00 waje pyrdi sngi wei daw pynbood daka Rymbai Shkenshynriah SC waka Amlanai Young Boys heipor 2:00 waje i sngi.
Discussion about this post