Ka Meghalaya Football Association da pynbna ko ya ki tarik wow pynman ya ki Semi Final ka Meghalaya State League 2024.
Ka Semi wa nyngkong u pynman hapyrdi ka Ladthadlaboh wa ka Mawlai ha SSA Stadium, Polo wa em ha Shillong ha ka 27 tarik uni u bnai (Jan), wei daw pynbood won sa ka Rymbai Shkenshynriah wa ka Shillong Lajong ha ka 28 tarik uni u bnai ha Wahiajer Multipurpose Sports Complex.
Ka Semi Final wa nyngkong u sdang ko heipor 4:30 i janmiet katwa ka Semi wa ar won u sdang ko heipor 1:30 i sngi.
Ki Ticket daw dai ha ki thaw pynman kiwa em ar jait ka Rs 50 wa Rs 100.
Na kini ki soo tylli ki liang, du ka Lajong waka Mawlai kiwa dadep poi cha ka Semi ka MSL nachwa heiwa ka Lajong da jop Final ko ha u 2019. Kawa nyngkong ka MSL da jop ka Niaw Wasa United ha u 2018 katwa ka Rangdajied da jop ko ya kawa le ha u 2023.
Discussion about this post