Ka yung kasari ynne ka sngi ha nongbah New Delhi da rai ko wow pasi ya ki 4 ngut kiwa emkti ha ka Nirbhaya Case ha ka 3 Wisu (March) heipor 3:00 waje i step.
Kini ki soo ngut da emkti ki wow slaitbor ya kawi ka bru ha ka 16 Kmaichonglad 2012 (kawa da khlaad noh ha ka 29 Kmaichonglad 2012), wei ya kani ka kaam slaitbor da tip leh kam ka Nirbhaya Rape Case.
Ya kini ki soo ngut da toh u pasi ha ka 22 Duyatra uni u snem tangwa da haap rah sngi noh neidaw wa dang yaleh ki ya ka mukotduma ha Supreme Court wow pyrchah ya ka rai wow pasi ya ki.
Kini ki soo ngut wa emkti wow slaitbor wei wow tynyap ya kani ka bru toh u Pawan Kumar Gupta, u Akshay Thakur, Vinay Sharma wa u Mukesh Singh.
Ha kani ka kaam slaitbor da emkti 6 ngut heiwa uwi na ki toh u Ram Singh uwa da pyntkut u yei mynsien yong oo hi deiwa pasi ha Tihar Jail ha ka 11 Wisu 2013 katwa uwi tawon toh u khynnah ya uwa da pynlait noh ha ka 20 Kmaichonglad 2015.
Discussion about this post