Shillong: U Montri Rangbah ka Meghalaya, u Conrad K Sangma mynstep daw yahkhmat u ya ka Meghalaya Democratic Alliance (MDA) cha Delhi neibynta wow yachem ya u Montri ka kaam pohyung (Home) ka ri India, u Amit Shah.
Hawa yaklam wa kiwa pathai khubor, u Conrad da ong u wa da paan por u na u Amit Shah neibynta ini i yachem wei da kyrmen u wow yohlaad u pynsñiaw kyrpang ya ka rai ka dhab ki montri yei emkaam ka Inner Line Permit (ILP) ha Meghalaya.
Da ong u wa da paan por wow yachem ya u Amit hei janmiet ka 18 tarik næ ha i step ka 19 tarik uni u bnai, tangwa ympu ye u u pyntikna neibhah wa ka Home Ministry ympu pyntip ko iwon iwon.
Kam wow pynkynmoo heini ka Meghalaya Legislative Assembly ha ka 19 tarik u Kmaichonglad yong u snem wa dadep da rai ko wow pynkrehkaam ya ka Inner Line Permit ha ka jylla, hadien wa da mynjur ka sorkar MDA da pyrchang ko wow yachem ya u Amit Shah wa u Montri Rangbahdooh ka ri India, u Narendra Modi.
Hadien wa rai ka yung dorbar neiliang ka sorkar MDA da yachem ko leh ya u Amit Shah, tangwa da phah wan u hadien ka lehkmen Christmas. Wei hadien ini da phah wan biang hadien ka lehkmen Republic Day, wei ha ka sien wa le da phah wan won hadien ka Election ha Delhi.
Discussion about this post