Hadien wa da mih i ood na ki paidbah kamjooh kiwa kamai wa joor ka sahkut kari nadooh wa booh ya ki Speed Breaker na Jowai chadooh Mihmyntdu, neiliang ki bor District da pyntip ki wa daw lai hiar ki yow yoo dei khmat hadooh katwon ktah i em kini ki Speed Breaker.
Ya ini i rai da chim ha ka yalang wa da pynman ynne ka sngi kawa chimbynta lang da u Deputy Commissioner, u BS Sohliya, u Superintendent of Police, u Bikram D Marak, ki sahep ka chnat PWD waka chnat Transport heiwa ha ka 6 tarik u Naichiphaw daw lai lang ki wow pynman da ka Joint Inspection ha i por wa boon kari bha yow pait kammon kini ki Speed Breaker wanrah ki yei sahkut kari.
Hadien ini, daw chna ya ka bui (Report) wei daw chim ya ka rai kammon u leh lada u khloh noh ya kini ki Speed Breaker lane u pynstang ki yow lai bait ki kari, da pyntip u Deputy Commissioner.
