Kam chibynta wow pynrkhiñ ya ki kyndon aiñ kiwa yatoh wa i yah kari yow chngaaiñ leh kiwa lai wa wan ha Shillong, neiliang u Superintendent of Police ka East Khasi Hills deilang u SP (City/Traffic) wa u Addl. SP Traffic hei miet ka 25 tarik hadooh wa kylla tarik da lai ki wow pynman yei kynreh ha ki le tylli ki thaw kitæ ha Sadar, Laitumkhrah wa Lumdiengjri.
Ki heh pulit da ong ki wa hei miet da em boon bha kiwa yah kari deiwa tyngkheiñ kyndon heiwa em kiwa da muaid, em kiwa wa sai da ki kari kiwa da pyndait ki Silencer kiwa ood, ki Light wa man pyrchah aiñ deilang i biah ya ki yit rong yong wei em leh ki wym biang ki kot ki sla wa kiwi de kiwa man pyrchah ya ka aiñ Motor Vehicles Act.
Ha ini i kynreh da chem ya 194 ngut kiwa da tyngkheiñ kyndon wei da chah daiñ kuna ki kawa dapoi ₹2,46,000.
Da pynemkaam palat 100 ngut ki pulit wow leh yeini kiwa da yang ha ki thaw pynsangeh kari deiwa ya krehlang leh nadooh ki In-Charge ki Traffic Branch wa ki Officer-in-Charge ki Police Station.
Ha kawi pa kawi ka thaw pynsangeh kari da em uwi u heh pulit yow pyntikna wa em i ya tiplang hawa leh yeini.
Discussion about this post