theme-sticky-logo-alt
theme-logo-alt
Advertisement ad1

Ha ka DHS lai pynsñiaw ka KSU-EJHDU wym yahaap u khut Civil Hospital ya kawa em ha Khliehriat

Advertisement ad1

Ka KSU East Jaintia Hills District Unit ha ka 4 tarik uni u bnai da lai yachem wei pynsñiaw biang sa ha ka Director Health and Services (Medical Institutions) hajrong i duna hawa yatoh wa ka Civil Hospital Khliehriat.

Kani ka Civil Hospital toh kawa da wai da u Montri Rangbah ha u bnai wa ar uni u snem snem tangwa katkam i long i man ha katai ka Hospital da yoo wa dang tkoh i rukom krehkaam kam ka Civil Hospital wei dang man ko du kam ka Community Health Centre hi hadooh katni.

Ka sorkar da kam ko leh wa kani toh ka 100 Bedded Hospital tangwa hadooh katni kani ka Hospital toh kawa ye u em du 50 tylli ki thaw thiah wei ym em ko leh ya iwa emkaam kam ki kor X-Ray, ki Ultra Sound wa kiwi kiwi kiwa kam ka Civil Hospital toh u em ko.

Ka seiñ da yoh ko leh wow dawa wow booh ya ki Urban Health Centre neibynta ki kaam wa da jooh leh kani ka CHC.

Ka seiñ da pynsñiaw ko leh yei chah pyndooh License ka Blood Storage Centre kawa jooh em ha ka District ha ka 15-12-21 neidaw wa duna kiwa boon ki bynta wow booh yei snaam. Kamtæ da ong wa emkaam jhan ya kani ka Blood Storage Centre yow pynsuk wei pyndap yei emkaam ki paidbah yong ka thaaiñ.

Ka seiñ ha ka dorkhat cha ka DHS da booh ko leh yei dawa hawa yatoh wa i pynkhlan ya ka Hospital deiwa pyndap ya kiwa boon ki kaam wa lait wa dang duna kam ki Nurse, ki Doctor wa kiwi kiwi wei wow pynheh ya ka yung ka Hospital.

Neiliang ka DHS da kular ko wow booddien hajrong ini i dawa waroh wei khamtam dooh wow pynsuk ya ki paidbah hawa yatoh wa i chait i khiah.

Puræ leh: Da wai ya ka Blood Storage Centre ha Khliehriat

Advertisement ad1
Share this:
Previous

Da pynthymme yei dor phñiang charak ha Sonapur Oil Agency nadooh u Naiynñiaw

Next

Da phah lut ya ki karkhana wow su bai bordiñ, da em leh kiwa da chah ah