Jowai: Ka Seiñkur Bahkhla ha kani ka 12 tarik da pynman ko ya ka Dorbar ka kur ha Mookyniang Community Hall, Khliehtyrchi, West Jaiñtia Hills heiwa da wan emlang da ki khon ka kur na kylleiñ.
Ka Seiñkur Bahkhla toh kawa kynthup ya ka kur Rymbai, Ryngkhlem, Kyndait, Sana, Lyngdoh (Rymbai), Toi, Najiar, Lato, Thma, Chynret, Ksoo, Kyndiah wa Rymbui.
Ya kani ka Dorbar da pynlai da u Damewanhi L. Rymbai uwa man kam u President ka Seiñkur, wei da yoh ya ki kyntien ngoohblai na u Pastor Mark Rymbai.
Ha kani ka Dorbar da yoh yei klam na u Dr. Heiplanmi Rymbai, u Chibor Najiar, ka Milian Ryngkhlem, u Seibor Sana, u Ting Thma, u Komet Kyndiah, Shaniah Lyngdoh, u Rajin Rymbui wa kiwi kiwi.
Ha kani ka Dorbar da pynkup burom ya ki khon ka kur kiwa da paw bha ha jar jiar ki kaam nadooh ka kaam Seiñ hima, ki kaam chakri paidbah, kiwa sikai, puræ puthi wa kiwi kiwi.
Neiliang u CEM ka JHADC u Madonbai Rymbai ha kani ka Dorbar da e u yei klam neiliang yong kiwa chah pynkupburom wei da pynkut ya ka Dorbar da ki kyntien khublei na u Ribun Sana uwa man kam u Finance Secretary ka Seiñkur.
Ya kani ka Dorbar da pynphooh da ki rwai wa ki chaad wa da pynkhreh da ki khon ka kur.
Discussion about this post