Ka Laishnong Secondary School, Nongbareh kawa em ha Amlarem Sub-Division da lehbha ko ha kani ka SSLC Exam, 2024 deiwa yoh 100% ka Pass Percentage wei da em ko leh 4 ngut ki khynnah kiwa da yoh Distinction.
Kiwa yaleh ya kani ka SSLC da em ki 19 ngut wei waroh da Pass ki, wei hei sien nyngkong na kani ka skur da em wa yoh Distinction ha ka Hindi, katæ ka Idahun Pohlong kawa da yoh 85 Marks wei da yoh Distinction ko leh ha ka Health & Physical Education deiwa yoh 80 Marks wei ka toh ka khon u Shiek Talang wa ka Didcy Pohlong.
Kiwi de kiwa yoh Distinction na kani ka skur toh ha ka Subject Health & Physical Education kiwa kynthup ya ka Mansilong Pohrmen (89 Marks), u Mebankyntiew Suting (85 Marks) wa u Skheh Khonglah (83 Marks).
Neiliang ka skur da pynsñiaw ko yei kmen yeini wa da lehbha ki khynnah we da pyn-eh-daw pyn-eh-nasib ko ya ki wow lehbha ki sam chakhmat.
Discussion about this post