Ha ka Report 90% dadep i kreh JJM tangwa 20% dang em ki wym pu em yoh umkor

U Montri Rangbah ka jylla, u Conrad K Sangma da pynman u ya ka Review Meeting ha Circuit House ka Tura ynnin ka sngi yow pait yei pynkreh ya kiwa boon ki kaam deilang kiwa yatoh wa ka Jal Jeevan Mission (JJM).

Ha ini yachem da pyntip wa katkam ki Report, dadep hadooh 90% ki kreh tangwa i man i long ha ki chnong ki thaw won ym em yatoh i neibhah awjan 20% ki manyung ym pu em yoh umkor ki.

Neiliang u Montri Rangbah da ban joor u yei emkaam wow leh ya ka Audit ha waroh kawi ka jylla yow tip kiwon ki Scheme kiwa krehkaam wei kiwon ki wym em krehkaam yow tip iyi u leh. Da ong u leh wa ha ki thaw wa riat manda dooh bordiñ da ktah ko leh yei pynpoi um, wei ha ki thaw wa man madan ki Solar ym em ye u pynbiang ki katkam wa emkaam.

Da yaklam leh yei em ki Village Water and Sanitation Committee ki wym em u kitkhia wei ym bien ki wow leh yeiwa da pynkit ha ki lada ym yoh yarap poisa ki.

Da chem leh wa em ki kreh wa sdang nyngkong toh deiwa kreh deiwa pynemkaam da ki warim wa em chwa wei ym em da pynkhreh yow pynpoi um cha kiwa boon ki bru, em leh kiwa boon wa pynkhreh ya ki DPR khlem da pyrkhat yei em ki thaw taan um, khlem da biang ki Pipe wei em leh wym em pynkrehkaam ki Contractor deiwa biang.

Najrong kini da em leh i pynslem wow yoh ya ka Forest Clearance heiwa neiliang u Conrad da pdiang u wa manda kreh jhan leh daw ktah i kreh heiwa daw em i leh khalær.

Related posts

Da ki kynta hap yang hap yieñ kiwa yaleh Domicile Certificate

August 29, 2025

Manda krehkaam ka Tura wa Shillong Medical College deilang i em ka USTM daw ye u pynmih palat 550 ngut ki Doctor ha ka chi snem

August 29, 2025

Da em leh i ktah neidaw wym pu em su ka bai kreh ki Contractor kawa dapoi awjan ₹2,000 klur wei ini toh neidaw wa pynslem ka sorkar pyrdi wow pynlait poisa.

U Conraad da yooluti u wa ini waroh daw miat daw bha i kat dang lai ki snem deiwa kdaw leh wa u yarap ya ki VWSC daw hap wow pynlut awjan ₹500 klur chi snem iwa eh bha u leh da ka sorkar jylla wei yow pynstiñ yeini toh u pyrchang dei ya krehlang chirup kiwa boon ki chnong deiwa ya krehlang leh wa ki Self-Help Group, ki NGO wa kiwi de ki seiñ.

Da e buit leh wow tyrwa da ka Maintenance Contract heiwa ki Contractor u bahkhlieh ki yeini i kaam 2-3 snem deiwa sikai ya kiwa chong kammon wow leh yeini i kaam.