Ka Iaishah Rymbai kawa man kam ka tre wa sdang ya ka Eriweave Pvt Ltd kawa man leh kawi na kiwa yoh myntoi na ka PRIME Meghalaya, da ye ko wow pynhun ya kiwa bichaar ka Shark Tank India Season-4 heiwa u Anupam Mittal wa ka Namita Thapar da mynjur ki wow e Rs. 20 lak deiwa yoh 12% na ka nong.
Ka Eriweave man ko ka karkhana wa em ha Ri-Bhoi District kawa pynmih ki that wa boon jait na u Eri Silk uwa pynmih hapoh ka jylla hi kamjooh leh ki rong wa pynemkaam toh kiwa da pynmih khlem da pynemkaam dawai wa chna u bru wei waroh iwa da pynemkaam da man ki kam ki mar ‘Organic’.
Ki that wa pynmih leh man ki heidur yong tynre deiwa pynemkaam da ki kti ki bru wow thaiñ.
Ka Iaishah man ko kam kawi na ki Top 50 Entrepreneurs ka PRIME CMECC 2.0 wei ka thong ko toh wow yarap e kreh ya kiwa chong chnong kiwa tip u leh ya ka Handloom Weaving wa kiwi ki stat wa da hiar pateiñ nadooh u warim wajah.
Ya kani ka Eriweave da sdang ha u 2019 wei ha ki soo snem wa da lai da yarap ko wow pynyoh kreh ya palat 100 tylli ki manyung wei hapyrdi iwa boon i eh i khoo da ye wow pynheh pynsan ka wei yei pyrtuid Eriweave da pynbna pyrthai ha PRIME Startup Hub, Shillong.
Ya ki mar da ye wow dai chadooh cha Delhi wa Mumbai wa kiwi de ki thaw wei kiwa ka-it dooh ki bru wow thied toh ya ki ‘Stole’ kiwa pynmih 70% na waroh ka nong.
Discussion about this post