15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ha ka sien wa ar wan paan kyrchaan ka STIEH na ki paidbah ha Jowai wow dawa kyrchaan ya ka aiñ chongkha ka KHADC

0 Comments

Jowai: Ka Saiñdur, Tipkur Tipkha, Ïeng, Ehrngiew, Khun Hynñiewtrep (STIEH) kawa man ka seiñ kawa kyrchaan ya ka aiñ chongkha khleh wa da wanrah da u CEM ka KHADC u HS Shylla, ynne ka sngi ha ka sien wa ar ha Jowai da wan biang ki dkhot ka seiñ wei heini i por won da pynman ya ka yalang ha Stand MTC, Iawmusiang Jowai die thmu wow paan yei kyrchaan na ki paidbah ya ka Bill ka KHADC wei kamjooh wow dawa naka JHADC leh wow chna ya kam kani ka jooh ka aiñ.

Ha ka yalang ha kani ka sngi da yoh yei pynche paidbah hajrong i thmu ka STIEH na u Legal Adviser yong ka Khasi Hills Autonomous District Council (KHADC) u Erwin K Sutnga, ka Badariti Lyngdoh Nonglait, Publicity Secretary nalor kiwa yahkhmat seiñbhalang wei da pynlai ya ka yalang da ka Deiwi Tongper President ka STIEH kawa wan sakhi da ki kattu katni ki paidbah.

Advertisement ad1

Ka Badariti Lyngdoh Nonglait hei klam yong ka da ong ko wa i chongkha khleh wa kiwi ki jaitbru da chim ki ya ka kur ka jaitbru Khasi yow yoh myntoi ki wei ha Shillong hi lait na ki kattu katni ki thaw kat cha wa lai da tyngkhooh du wa ki dkhar bait.

Da ong ko wa i stat u warim uwa jah dei stat yong ki da pynkhamkti ki ya ka jait ka kur, i khyndaw u chyiap ha ka kynthai deilang wa u chynrang wow pynlai kaam tangwa lada ka kynthai laitlaan ko haka chongkha chongman ka yurim uwa rim wa jah daw sepai lut ki.

U Erwin Sutnga won hei klam yong oo da pynche u chaphang ka Bill The Khasi Hills Autonomous District (Khasi Social Custom of Lineage) Act 1997, kawa man ka Bill wa sdang nyngkong wow wanrah ya kani ka kaam wow yada chooh chooh ya ki riti chongkha chongman wa i kheiñ kur ya ka jaitbru Khasi, da ong u wa kani ka Bill ka KHADC da em ko hadooh 21 tylli ki kyndon heiwa ka kyndon wa 7 da klam che ko kdar wa kiwon kiwon kiwa yoh pa da u dkhar toh u wan ki hapoh ka District Council yow thap pyrtuid ki yow tip ya ki tangwa kitu hi kiwa yoh pa da u dkhar ym em wa bien u wan.

Neiliang ki seiñbhalang wa emlang, da ong ki wa haap pynchitom ya ki MDC ka JHADC lada ym chimkhia ki ya kani ka kaam toh pynrem noh ya ki neibhah ki paidbah wa jied ya ki wei ki paidbah leh wa ye ki u pynrem ya ki deiwa e nongmuna wa ha kiwa boon ki thaaiñ ha ri-loom Jaiñtia kam ha Jalaphet da boon kiwa klam dei ktien Nepali.

Kamtæ da kyntu ya ka Jaiñtia Hills Autonomous District Council wow chna smat ko ya kani ka jooh ka aiñ wa da chna ka KHADC wow yada ya ka jaitbru nei chongkha khleh.

Previous
Next

0 Comments

Leave a Reply