Ha ka sien wa nyngkong siat ka Russia da u Ballistic Missile cha Ukraine

Ki Video wa pynyoo wa da siat ya ki Non-Nuclear Intercontinental Ballistic Missile (ICBM) na Russia da sdang poor ki, wei ini da man ka sien wa nyngkong dooh wa pynemkaam da ki Ballistic Missile ha ka thma pyrchah ya ka Ukraine kawa sdang nadooh u 2022.

Uni u Missile wymtoh wa rah ya ki Nuclear Bomb, da pynhaap u kiwa boon ki Bomb ha ka sor Dnipro heiwa da sakhi wa che syndet i bneiñ ynnin i step.

Neiliang ki chipai ka Ukraine da kam ki wa uni u Missile toh u RS-26 u yong ka Russian Air Force, heiwa da Test nyngkong ya oo ha u 2012, wei jrong u kamwa 12 metre (40 feet) wei khia won u kamwa 36 Ton.

I kyntien na ka Ukrainian Air Force da ong wa ya kini ki Missile da siat na Astrakhan, Russia iwa jngai palat 700 km (435 miles) na sor Dnipro.

Related posts

Da pynbna ya ka Result Interview kiwa yaleh kreh Grade IV

May 13, 2025

Khut ka NPYF-Jaiñtia Hills ya ki khynnah wa leh bha ha ki Exam yow chah pynkup burom

May 13, 2025

Neiliang uwa e ktien ka sorkar Russia, u Dmitry Peskov da kyntait u wow ong iwon iwon hajrong kani ka bynta. 

Ini i siat Ballistic Missile wan i hadien wa joor i yaleh hapyrdi ki ar ri heiwa ka Ukraine da sdang pynemkaam ko da ki Missile na US wow pyrchah ya ka Russia hawa sdang kani ka tayaaw.

Katkam wa man kattæ ymtip lada ka Russia pynemkaam ko da ki Intercontinental Ballistic Missile (ICBM) namo da ki Intermediate Range Ballistic Missile (IRBM) tangwa iwi wa tikna wa toh u Missile wa da siat toh uwa ye u kit boon ki Bomb namo ki Multiple Independently Targetable Reentry Vehicle (MIRV) neibhah ha Dnipro da haap boon tylli ki Bomb ki wym toh ki Nuclear Bomb chisien haap.