Kiwa chongdai madan ka Shillong ynne ka sngi da lai paidbah ki cha ka yung krehkaam yong ka Shillong Municipal Board (SMB) wow pyrchah yei thmu ka Board wow kyrriah ya ki na Khyndailad cha kiwi ki thaw wa da pynbait da ka sorkar.
Ini i lai paidbah toh kiwa boon hi ki manbei wow paan pynche na ka SMB hajrong i thmu ka sorkar jylla wow kyrriah ya kamwa 200 ngut kiwa dai madan cha ki 3 tylli ki thaw wa ka sorkar da dep jied ko.
Kiwa dai madan da lai kjat ki na Khyndailad wei da poi ki ha yung krehkaam ka Shillong Municipal Board wow paan pynche na u CEO tangwa da pyntip wa em u cha Tura.
Kam wow kdaw heini, neipor cheipor, u Montri ka Tourism, u Paul Lyngdoh da ban u wa hapoh u Khonchonglad (Nov) 2024, ka thaaiñ Khyndailad waroh kawi u kylla noh ko kam ka thaw lai kjat namo ka Pedestrian Zone deiwa kyrriah ya kiwa chongdai madan na ka thaaiñ.
Neiliang kiwa dai madan da dawa ki na ka SMB wow pynkrehkaam bha ya ka Insitu Survey wei wow e laad ya ka Town Vending Committee wow pynbait ya ini i kaam.
Discussion about this post