theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Ha ka thong ‘Har Ghar Tiranga’ pynman ka Govt. Girls HS School yei e sikai chaphang ka lama India

Ha ka thong yong ka Azadi ka Amrit Mahotsav wow lehkmen yei yoh laitlooid ka ri, ki bor pynlai ka Government Girls Higher Secondary School, Jowai ynne ka 10 tarik Naisaphra da pynman ki ya ka yalang wa kyrpang wa ong “Har Ghar Tiranga Campaign” yow pynchlur yei booh lama ha kawi pa kawi ka manyung.

Ya kani ka yalang da pynman deiwa pynphooh pynphieñ ya ki soodong sookun ka skur da ka lama le rong ka ri, i chaad sur tre na ki khynnah skur neitæ da em leh i klam i batai ya ki khynnah chaphang i man khroo man kyrpang sngi yoh laitlooid ka ri ha uni u snem kawa ong “Azadi Ka Amrit Mahotsav” kamjooh i batai bniah chaphang ka lama India heiwa yeini da pyndep da ka Waisa Sumer, Asst. Lecturer, Government Girls Higher Secondary School, Jowai deilang waka Wailad Suiam, Asst. Teacher, Govt. Girls Hr. Secondary School, Jowai.

Neiliang ka Principal yong ka skur hei e kyntien da kyrsu kyntulang ya ki khynnah wow ya chimbynta ha kani ka “Har Ghar Tiranga Campaign” kawa man ka yalang kyrpang wow pynyoo hakhmat ka pyrthai yei man khroo man kyrpang yong uni u snem ha chityllup ka ri.

Share this:
Previous

Wiar u kynjri ksiar 2 tula heipor wa lai na Khliehriat cha Chiehruphi 

Next

Shillong Premier League 2021-22: Jop suk ka Lajong ya ka Ryntih