Ha ka thong yong ka Swachh Bharat -Swachh Vidyalaya e wyrta-chula ka Seinraij L.P.School, SSA Mukhap ya ki khynnah

Jowai: Ka Swachh Bharat Mission toh kawi na ki thong krehkaam ka sorkar India wow wanrah yei khooid i pliah ha waroh ki liang heiwa hei yahkhmat u Prime Minister Narendra Modi da sdang ya kani ka Mission ha ka 2 tarik u Nai Chiphaw 2014, kamtæ nadooh u snem 2014 ter ter hadooh uni u 2019 ka sorkar na ka Ministry of Human Resource & Development yong ka ri India, hajrong ka thong yong kani ka Mission da booh wei pynmih ko chiboon ki rukom krehkaam kiwa yatoh wei khooid i jngiar heiwa ki khynnah skur, kiwa sikai wa ki bor pait bor pynlai yong ki skur leh em ki ka bynta wa kyrpang u leh neibynta kani ka Mission.  

Ha kani ka sngi Mulong 22 u Wisu 2019 ka Seinraij L.P. School, SSA Mukhap chibynta wow pynyoo ka dak i ya ksoohktilang hajrong ka thong yong kani ka Mission da pynman ko ya ka Awareness Programme hajrong ka mat kyrpang wa ong “Make Swachh Bharat Mission a Reality”.

Ya kani ka prokram da kdar yahkhmat da ki kyntien pdiang burom na u Sharlang Sungoh, Asst. Teacher Seinraij LPS, SSA Mukhap hadien neitæ pynbood i puræ ya ka Swachh Bharat Pledge hei chimbyntalang da waroh ki khynnah wa kiwa sikai hei yahkhmat ki Students Ambassador.

Ka Kheinkor Niang, Head Teacher Seinraij LPS, SSA Mukhap hei chim ya ka bynta wow e i klam i kappe hapyrdi ki khynnah da ong ko kynmoo, i lehkhooid toh iwa emkaam lada hei pran samen, ha yung hasem, ha skur wa hapoh ka chnong ka thaw heiwa da kyrsu kyntu ko leh ya ki khynnah wow imsngi ki u pynwyrngia ya i dæ hei long i man wa khooid wa pliah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka prokram dawan ya embyntalang leh da ki bru na ka yung krehkam yong ka District Mission Coordinator, SSA kiwa kynthup yow D. Manner, Jr. Engineer, SSA West Jaintia Hills District wa u S.D.Laloo, Community Mobilizer, SSA West Jaintia Hills District.

Chooh chooh hadien wa da kut ka prokram yaklam ka bynta wa bood kawa ki khynnah skur chirup kiwa sikai ka Seinraij L.P. School SSA, Mukhap chim ki wow leh ha kani ka sngi toh ka Poster Campaign hapoh ka chnong Mukhap kawa man chibynta i e wyrta-chula hapyrdi ki khon ka chnong ka thaw chaphang i emkaam yong i leh khooid.