15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ha ki 2 snem kem ki BSF hadooh 3,800 ngut ya ki Bangladesh wa thmu u psiah tooh cha India

0 Comments
Advertisement ad1

New Delhi: Ki chipai yada khappood ka ri, ka Border Security Force (BSF) hapoh ar snem nadooh u 2017 hadooh u Naikhynde 2019 da yoh kem ki hadooh 3,800 ngut ki bru na Bangladesh kiwa wan psiah tooh cha India.

Ha uni u snem hadooh ka 13 Naikynde ki BSF da yoh ki u kem hadooh 914 ngut ha ki thaaiñ West Bengal. Ha u 2018 da kem ki 1,677 katwa ha u 2017 da kem 1,274 ngut.

Ki chipai BSF da ong ki wa i boon kiwa wan psiah tooh na Bangladesh toh ha ki thaaiñ wah yong ka West Bengal neidaw ym em u kær naar-chieh wei ki thaw hi man ki kiwa man biar mo chong um.

Uwi na ki heh chipai ka BSF katkam wa pynmih ka “The Sunday Guardian” da ong u wa em ka yaaw wa pynlai da kiwa na India wa na Bangladesh kiwa wanrah tooh ya ki bru na Bangladesh cha India.

Kiwa boon hi kiwa wan psiah tooh cha India toh kiwa dooh wei kiwa wan thooh kreh chapoh India.

Ki heh ka BSF da ong ki leh wa ki yung wa em ha khappood man ki u moochynthut neibhah kiwa boon hi psiah tooh ki dang step synyaw wei sah ki ha kini ki yung katwa dang pynkhreh ya ki kot wa thok yong ki.

Share this:
Previous

Phooh i lehwarom lyngkhooh snem ka KKCN, Chilliangraij

Next

Da lehkmen yaka Ayushman Bharat Day ha Civil Hospital Ialong