Katkam ka kyrwoh na ka laad pathai khubor ka sorkar India ka PIB, da ong wa 62% kiwa dang em ya u khñiang COVID-19 hapoh ka ri em ki ha ki 5 tylli ki jylla kitæ ka Maharashtra, Andhra Pradesh, Karnataka, Uttar Pradesh waka Tamil Nadu.
Heijooh i por leh kini ki 5 tylli ki jylla da em ki ya 60% kiwa da dep yoh COVID-19 hapoh ka ri.
Na kini ki 5 tylli ki jylla wa em 60% kiwa da dep yoh ya uni u khñiang, ka Maharashtra da yoh nyngkong ko deiwa em 21.6%, pynbood saka Andhra Pradesh (11.8%), Tamil Nadu (11.0%), Karnataka (9.5%) waka Uttar Pradesh (6.3%).
Ka Maharashtra em ko leh ya 26.76% kiwa dang em ya uni u khñiang hapoh ka ri, pynbood sa ka Andhra Pradesh (11.30%), Karnataka (11.25%), Uttar Pradesh (6.98%) waka Tamil Nadu (5.83%). Deilang kini ki 5 tylli ki jylla da em ki 62% na waroh kiwa dang em ya uni u khñiang (Active Case) hapoh ka ri.
Ha kini ki 24 kynta ka Andhra Pradesh da em ko kiwa boon dooh kiwa dang chait deiwa em 11,915 ngut. Karnataka da em 9575 ngut, Maharashtra 7826, Tamil Nadu 5820 ngut wa ha Uttar Pradesh 4779 ngut, iwa man leh wa kiwa chait na kini ki 5 tylli ki jylla da man ki 57% na waroh kiwa chait ha kini ki 24 kynta.
