theme-sticky-logo-alt
theme-logo-alt
Advertisement ad1
Advertisement ad1

Ha ki thaw wa em 95% kiwa da dep yoh tika ye ki wow wai dukan pyntam chi sngi

Advertisement ad1
Advertisement ad1

Ka DC ka East Khasi Hills da pynmih hukum ko ynne ka 25 tarik wa deidaw kiwa chah ktah na kiwa chah Test kawa tip kam ka Positivity Rate da em ko palat 10% hapoh ka District, kamtæ da pteiñ wow pynkrehkaam biang ya ki kyndon wow kdoh u khoom namo ki Containment Measures hapoh waroh kawi ka District nadooh ka 26 tarik uni u bnai.

Ka Night Curfew u krehkaam ko nadooh 7:00 waje i miet hadooh 5:00 waje i step man-ka-sngi katwa ka Total Curfew u krehkaam ko ha ka sngi Sunday.

Advertisement ad1

Ym chah wow pynman ya kiwon kiwon ki yalang paidbah, lada em i yap bru, daw chah wow pynman ya ka yalang wa em du 10 ngut donhi deiwa yoh bor chwa na ka DC.

Ym chah yei lai na kawi ka District cha kawi wa na sor Shillong cha bar wei wow psiah chapoh Shillong khlem da yoh Pass.

Ki dukan u wai ki katkam wa da pynbait katkam ka pali nadooh Monday hadooh Saturday tangwa ha ki dong wa em palat 10 ngut kiwa dang chah ktah ha u COVID-19 ym toh u wai palat 3 sngi chi tayaw.

Ki dong wa em palat 95% kiwa da dep yoh tika ye ki wow wai deiwa pyntam chi sngi iwa daw chim rai da ki Incident Commander wa pait ya kini ki thaw.

Waroh ki hukum man ki kamni ha wah:

Share this:
Previous

Wai u Amit Shah ya ka Greater Sohra Water Supply Scheme wow yoh myntoi ki 22,943 ngut ki bru

Next

26 tylli ki chnong ha Meghalaya wa da dep e tika 100%