Ha ki thaw wym em de ki Khasi wa sah hap wow e Trading License cha ki dkhar

Ka Khasi Hills Autonomous District Council (KHADC) da rai ko wow pynrkhiñ yei rukom e Trading License khamtam hapoh ka sor Shillong heiwa daw e Licence thymme du ha kitu ki thaw wym em de ki Khasi kiwa chong chnong.

U CEM ka KHADC, u Winston Tony Lyngdoh da pynche u wa da em kawi ka dukan Electronics wa pynlai da uwi u dkhar ha Them Mawbah, deiwa ong u wa da e ya ka Trading License neidaw wym em de ki Khasi wa sah ha kani ka thaw tangwa lada em u Khasi wa wan chakhmat wow wai kam kani ka dukan, daw pyndam ya kani ka Trading License wa da e.

Chooh chooh da ong u wa uni u dkhar toh uwa da kha wei da im da ki phaw snem ha kani ka thaw wei ya ka Trading License da e hadien wa da pynbiang ki kot ki sla wei deiwa yoh ya ka No Objection Certificate na ka Dorbar Chnong.

Heijooh i por da ong u wa da pynchlur ya ki tre chnong wow wai dukan yow seiñ khih ki tangwa lada ym em wa wan chakhmat daw hap wow pyrkhat wow e License cha ki dkhar.

Related posts

Yap ar ngut ki manbei wei mynsoo i khonboo wa uwa yah kari

January 25, 2026

Wa sap Burqa kawi ka kynthai Hindu, chah pynbaad ki lok Muslim ko wa pynbor pynkylla niam

January 25, 2026

Da pynche u leh wa em ki Trading Licence kam kiwa haap hapoh ka Aiports Authority of India kiwa da yaleh ya ka Tender wei kini boon toh ki wym ye u leh da ki tre chnong.

Em won leh ki Trading License kam ha Khanapara kiwa hap wow e yow pynyoo wa haap ko hapoh Meghalaya.