Ki ar ngut ki manbei da dooh ki mynsien katwa iwi i khonboo da mynsoo joor i hadien wa kawi ka kari Alto K10 kawa em Number ML-05Y-4464 da lai tyrrah ko ya kawi ka Truck wa em Number AS-01RC-5327 kawa yieñ harood sarok National Highway–6.
Ini da jia i hei miet heipor kamwa 7:00 waje haroh ha ki bynta yong ka chnong Mawdiangum, Ri-Bhoi District. Najrong kini ki ar ngut ki manbei kiwa da khlaad noh, iwi i khonboo kynthai leh da mynsoo jur i deilang wa uwa yah ya ka Alto K10.
Katkam wa pynsñiaw da kiwa sakhi, kani ka kari Alto K10 da tyrrah joor ko ya katai ka Truck hadooh wa da pra ko phrai.
Ki pulit ka Nongpoh da wanpoi ki wut-wut cha kani ka thaw yow e yarap ya kiwa mynsoo wei da rah noh yei metyap kiwa da khaad. Ki pulit da sdang ki leh wow takit bniah yow chem yei daw wa jia ini.
Discussion about this post