Shillong: Ka mynried yong ki khynnah wa thmu u lai puræ MBBS na ka jylla tangwa da chah kyntait thaw ki ha ki thaw puræ wa em ha jylla Assam dang man ko kawa sahteiñ neibhah wa ka Supreme Court da kyrriah tarik ko ya kani ka kaam cha ka 18 tarik uni u bnai.
Hei yatoh wa ini i kaam ki sahep na ka tnat i chait i khiah da kyntait ki wow klam deiwa e daw wa katni ini i kaam dang man i hapyrdi ka mukotduma ha ka yung bichaar.
Kam wow pynkynmoo heini da em hadooh 10 ngut ki khynnah kiwa yoh u lai puræ MBBS da chah kyntait ki ha ki Medical College hapoh Assam deiwa pynku ko ya ki seat neibynta kiwa em ha ka kyrdan OBC.
Hadooh katni kini ki khynnah ka jylla dang yang ki ya i bichaar wa i rai khaddooh ka yung bichaar wa khlieh doooh ka ri.
Also Read: Ha kyndian synrang chong ka mynried kiwa lai puræ MBBS na ka jylla Meghalaya
Discussion about this post