15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Ha Nongkrem wa duna dooh ki bru wym pu em pyrtuid ha ka Electoral Roll: FR Kharkongor

0 Comments
Advertisement ad1

Shillong: U Chief Electoral Officer (CEO) ka jylla u Frederick R Kharkongor da ong u wa ka tnat election da booh thong ko wow pynpoi cha ka 18 lak ngut kiwa thap vote ha ka jylla waroh kawi chwa wow wan ka election ha u snem wow wan neibhah wa hadooh katni da em hadooh 17 lak tam ki pyrtuid wei yooluti wa daw kynjoh ko cha ka 18 lak.

U FR Kharkongor da ong u wa ka tnat election daw pynman ko chaaid chaaid ha uni u snem ha kylleiñ ka jylla khamtam cha nongkyndong yow chem ya kiwa da biang rta ki wym pu yoh Vote.

Da ong u leh wa i pynpsiah pyrtuid khamtam ya kiwa da kynjoh 18 snem dang lai ko chaaid chaaid wei ya kini u tip kam ki Millennium Voter næ kiwa thap vote wa da kha ha u snem 2000.

Em hadooh kamwa 1 lak tam kiwa ympu em u pynpsiah pyrtuid kam kiwa thap vote wei ka Nongkrem toh kawa boon bru tam ki wym pu pynpsiah pyrtuid.

U CEO da ong u wa hadooh katni em kamwa 500 tam ki thaw thap vote næ ki Polling Station kiwa ye u em hei ma ha kylleiñ ka jylla wei ini ye i wow kylla manda rap jan ka Election.

Da ong u leh wa hadooh katni da em 20 ngut ki bru kiwa chah pyndam pyrtuid neibhah wa chem wa ym biang ki kot ki sla yong ki wei yeini da chem ha Dadengiri yong ka West Garo Hills.

Advertisement ad1

0 Comments

Leave a Reply