Ha pyrdi i pakhot moo heitu heini, lai bait i sdang lehkmen ko KSU yei dap 40 snem yong ka

Shillong: Kawi na ki seiñbhalang ka jylla, ka Khasi Student Union (KSU) ynne ka sngi da sdang ko ya ka lehkmen dap 40 snem ka seiñ, wei ha kani ka sngi da em ka lai paidbah na yung krehkaam ka seiñ na Jaiaw hadooh u mot sahnaam ka seiñ wa em ha Lachumiere, Shillong.

Ha kani ka lai paidbah manda poi nadooh ka thaiñ Laad Umsohsun wow ku cha Khyndailad da sakhi ya ki dukan kiwa em ha tymbood sarok da khang khyrdep lut ki wei da e mi pakhot moo cha ki kattu katni ki dukan wot hadien wa da pynjoor ya ki bor sonteri heipor wa man kani ka lai paidbah, wei ini i pakhot moo man i iwa joor manda poi ha Khyndailad marjan wa ka yung dorbar warim ka jylla kiwa da piah malum malæ.

Ya ini i lai paidbah da pteiñ hadooh wa poi ha u mot sahkynmoo ka seiñ uwa em ha Lachumiere heiwa da e mi booh syntu wei da yoh leh klam na u President warim ka KSU u Samuel Jyrwa.

Hadien ini da pteiñ ini i lai kjat hadooh wa poi ha U Soso Tham Auditorium heiwa da pynman ya ka lehkmen ha kani ka thaw heiwa da embynta ki dkhot ka seiñ najan wa na jngai.

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kani ka yalang da pyllait leh ya ka Stamp Cover wa ka Postal Stamp yong ka seiñ da ka Superintendent of Postal, ka Alice K. Vizo wei da pynhær ya ka lama ka seiñ da u President, u Lambokstarwell Marngar.

Hawa klam ha kani ka sngi u President ka KSU da ong u wa ka seiñ da ong u wa ka seiñ ympu em sangeh ko ya ka yakhih Inner Line Permit hanlada ka sorkar da kular ko wow booh ya ki kyrdop wow sonteri yei psiah i mih ki baar jylla.

Da ong u wa ka jylla da dep ko 46 snem tangwa da san ko khlem u pood u ang wa paka deiwa kyrmen wa ka sorkar wa thymme daw chimkhia ko yeini wei wow kdoh yei psiah yabor ki bru na baar chapoh ka jylla.

Neiliang u President warim ka KSU, u Paul Lyngdoh da kyntu u ya ki dkhot ka seiñ ymtoh u chong ngiah wei wow yakhun ya ki mat yong ka jaitbru wei dei dap ka seiñ 40 snem u man ko ka spah wa ka stieh yong ka jaitbru.

Da ong u leh wa hanlada haap lai napyrdi i eh i khoo tangwa kini ki eh i khoo u pynkhlan i ya ka KSU wow man kamwa man ko katni wei ka KSU ymtoh u man ko du kam ka seiñ kawa yakhih tangwa kam kawa yahhmat ya ka jaitbru leh.