March 20, 2018

Ym khut yaklam ka sorkar ya ki seiñ kieñ suloi: Conrad

Shillong: U Montri Rangbah ka jylla, u Conrad K Sangma da ong u wa ka sorkar Meghalaya Democratic Alliance (MDA) ym khut yaklam ko ya kawon kawon leh ka seiñ kieñ suloi tangwa emkaam wow wan pyndem ki wei ka sorkar won wow thooh ki laad yarap ya ki.

Yeini da jubab u Conrad yeiwa kylli u MLA ka Mawlai u Process T Sawkmie hapoh dorbar ynne ka sngi, heiwa u Conrad da ong u wa ka sorkar khut ko ya ki seiñ kieñ suloi wow wan pyndem chwa ki wow im ka rukom im wa thymme wei daw e yarap won ya ki yeiwa emkaam ki.

Da ong u wow yoh ya ki laad yarap na ka sorkar chong ko ha ka Screening Committee heiwa da man dkhot da u DGP, u IG wa u Addl. Chief Secretary ki wow bichaar chwa wow e yarap cha ki dkhot kini ki seiñ.

Da pyntip u wa katkam wa man katni em ka Scheme baibaam kawa T.3000 chi bnai nalor ka bai yarap wow seiñ khih kawa T. 1.50 lak.