Ka Guwahati City FC (GCFC) Residential Football Academy, kawa man kawi na ki Youth Development Club ha Assam, daw jied (Trial) neibynta ki kyrdan yaleh bol wa U-13, U-15 wa U-18 ha ka 17 wa 18 tarik uni u bnai ha Polo Ground, Shillong.
Ki khynnah wa chah jied u chah hikai ki ha ki Coach kiwa da yoh ya ka AFC-A Licensed Head ka Youth Development Club wei kamjooh leh wow lai skur ha kawi na kiwa miat dooh ki skur ha Assam ka International School, Guwahati (ISG).
Ka GCFC da embynta bha ko wow jied wei wow hikai ya i khynnah ha i yalehke Football wei da jooh pynman ko leh ya ka Greater Guwahati Baby League la ar sien wei da jop ko ya ka U-13 Guwahati District Youth League wei katni kani ka Club dang pynkhreh ko ya ki AlFF Youth League.
Da em leh ki thaw sah wa chngaaiñ ya ki khynnah.
Ya kani ka Trial daw pynman ha Polo Ground 2 wei i por wow Report toh heipor 7:00 i step heiwa ka Trial ya ka U-13 wa U-15 u pynman ha ka 17 tarik katwa ya ka U-18 won ha ka 18 tarik.
Ya ka U-13 ki khynnah toh kiwa da kha ha u 2009-2011, ya ki U-15 ha u 2008-2007 katwa ka U-18 won ha u 2004-2006.
Emkaam wow rah ya ki kot wa sakhiat (Original) wa ki Photocopy ka Birth Certificates wa kiwi ki kot kam ka Passport/Aadhaar/Minor PAN Card wa 2 tylli ki dur Passport Size.
Ya ka yutip wa bniah ye u yoh deiwa phone ha u Number 7002282745/7002570870.
