Ka chnat District Council Affairs ka sorkar Meghalaya da pyntip ko hadien wa da yoh yukheiñ yong waroh kiwa thap Vote cha ka Election MDC ka KHADC wa JHADC, dapoi kiwa thap Vote 76.77% ha KHADC katwa ha JHADC won dapoi ki 85.58%.
KHADC
Ka Constituency ka KHADC wa boon dooh wa mih kiwa thap Vote toh ka 22-Nongspung Sohiong kawa dapoi 86.09% katwa kawa dooh dooh toh ka 16-Nongthymmai wa mih du 59.75% kiwa thap Vote.
Deiwa kheiñ won da ki Polling Station, kawa boon dooh wa mih kiwa thap Vote toh ha ka Maw-Ah kawa em hapoh ka 9-Langkyrdem Laitkroh Constituency kawa dapoi 96.99% kiwa wan thap Vote wei kawa duna dooh toh ha Madanrting Thembasuk Rum A kawa em ha 16-Nongthymmai heiwa kiwa thap Vote da em du 4.49% kiwa wan thap.
JHADC
Ka Constituency wa boon dooh wa wan kiwa thap Vote toh ka 26-Sumer heiwa da wan 91.46% katwa kawa duna dooh toh ha 18- Jowai North wa wan 75.28% kiwa thap Vote.
Da em leh du le tylli ki Constituency ki wym em poi palat 80% kiwa thap Vote deilang waka Jowai North, kitæ ka Shangpung (79.45%) waka Saipung-Nongkhlieh (78.02%).
Deiwa kheiñ won da ka Polling Station, kawa boon dooh wa wan kiwa thap Vote toh ka Maskut wa em hapoh ha ka 6-Moodymmai Nongkhroh heiwa dapoi 99.52% wei kiwa duna dooh toh ha Khaddum wa em hapoh ka 27-Saipung Nongkhlieh heiwa da wan 51.34% kiwa thap Vote.
Waroh ka yukheiñ ye phi wow pait heini ha wah:
Discussion about this post