Uwi u khynnah khynroo da haap u napoh ka Train hadien wa tyngkhooh u ha uwi u chrot neidaw wa yieñ pyntam u yei doh i pran cha lait heipor wa dang lai ka Train.
Ya ini waroh da yoh wow riñ Video da u lok u uwa lai luti lang wa oo da kani ka Train.
Uni uwa haap cha lait toh uwa tip kam u Abilash (16 snem) uwa na thaaiñ Madhavaram ka sor Chennai wei uwa lai puræ 1st Year Hotel Management wei da pynemkaam u da kani Train kut wa lai u cha College.
Ini toh iwa da jia ha ka 9 tarik heiwa u Abilash deiwa riñ Video u lok u da sdang u wow mih cha lait deiwa ksoh nyngkong ha uwi u nar wa em hapoh ka Train neitæ da lai u cha chrooh ka Train deiwa ksoh ha ka dwar ka Train heiwa da chaad u leh.
Ha ini i por da kyruiñ u chadien khlem da pait chakhmat wei da pyntam bha u yei doh i pran u cha lait wei ka Train ha ini i por leh da sdang bha ko wow lai smat, kamtæ da ngat u mam ha uwi u chrot wei da haap syndon u cha lait.
Ya u Abilash da pynkit cha Rajaji Government Hospital wei dang em u hei chah sumaar.
Ki pulit da pyntip ki wa da toh joor u neibynta i khlieh u wei dang pynman ki yei takit.
Discussion about this post