Ha u CIC ujor ka HYC pyrchah ya u PIO u PCCF hajrong ka poisa wa T.72 Klur

Shillong: Ka Hynniewtrep Youths’ Council (HYC) da ujor ko pyrchah ya u Public Information Officer (PIO) yong u Principal Chief Conservator of Forest (PCCF) cha ka yungkrehkaam u Chief Information Commissioner (CIC) hajrong i wym ye u e ya ka yutip wa biang katkam wa paan ka seiñ.

U General Secretary ka HYC, u Roy Kupar Synrem da pyntip u wa ka yungkrehkaam u PCCF hajrong i pynemkaam ya ka poisa Net Payment Value (NPV) kawa thap da ka Company Lafarge neibynta wow pynemkaam wow thung dieñ wa kiwi ki kaam pynneh rymaw tangwa neiliang u PIO, ymye u e ka yutip wa biang yei rukom pynemkaam ya ka poisa wei heiwon da thap ya kani ka poisa leh.

“Hadien wa pynmih hukum da ka Supreme Court ha u snem 2007, ka Lafarge toh wow e ko hadooh T. 55 Klur neibynta wow krehkaam ka jylla ha u snem 2010 wei da toh u thap ya kani ka poisa ha ka Compensatory Afforestation Fund Management and Planning Authority (CAMPA) neibynta wow pynneh ya rymaw,” da ong u GS ka HYC.

U Synrem da ong u leh wa lada kheiñ nadooh u snem 2007 ka sut kawa 9 Percent da poi ko hadooh T.72 Klur tam, tangwa da sñiaw phylla wa ya kani ka poisa, u PIO ymtip u cheiwon ko.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“I da ujor i ynne ka sngi cha u Chief Information Commissioner (CIC) wow pynchitom ya u PIO neibhah wa ymye u e ya ka yutip wa tikna.” Da ong u Synrem.

Katkam wa ong u Synrem, kani ka poisa na ka NPV phær ko na ka poisa ka Special Purpose Vehicle (SPV) neibhah ka sorkar ye ko wow pynemkaam ka ya ki kaam pynroi ha kiwon kiwon ki bynta ka jylla.