15 49.0138 8.38624 1 0 4000 1 https://wyrta.com 300 0

Pynkhreh ka sorkar wow pynwandur ya ki rukom sumaar Khasi

0 Comments

Shillong: Ka chnat ka i chait i khiah lyngba ka chnat AYUSH ka sorkar kwah ko wow pynwandur bha yei rukom sumaar e dawai kynbat deiwa yakrehlang wa ka stat ka juk katni.

Neiliang u montri i chait i khiah u AL Hek da khut yaklam u ya ki kattu katni kiwa e dawai kynbat hajrong ini i thmu heiwa da ong u wa emkaam wow man ko kawa khooid kawa pliah wow pynsakhiat wa i sumaar man i katkam i stat ka juk wa katni.

Advertisement ad1

Da ong u wa ka sorkar kwah ko wa kiwa sumaar u neh ki kamjooh tangwa u man ko ka laad e khih khnang wa u pynmiat ki yei rukom sumaar.

Wow pynlai ya kani ka kaam, ka sorkar da pynman ko yei esikai, i pynche wa i pynlang pyrtuid ya kiwa e dawai kynbat ha ka jylla waroh kawi.

Katwa neiliang u K Shadap, da ong u wa ha kini ki sngi em chiboon i eh i khoo wa yachem ki wow yoh dawai nei pynjæd ya ki khloo wei emkaam wow e yarap ka sorkar wow thung ya kini ki dawai kynbat.

Da ong u leh wa em ki kynbat wa bha wei boonsien ki bru ymtip ki u kheiñkor kat hadooh wa wan kiwa na baar kiwa wan thied ya ki hei dor wa toh katwa dai won ki hei dor wa heh.

Ka tnai i chait i khiah da booh ko ya kani ka tnat AYUSH lyngba i yarap ka sorkar pyrdi kawa khut ka Ayush Gram hapoh i pait ka Dr. DK Raswai.

Advertisement ad1

0 Comments

Leave a Reply