Ka dan GST wa da yoh neibynta u Naitung (April), 2021 da kynjoh ko T. 1,41,384 Klur heiwa ka CGST man ko T. 27,837 Klur, ka SGST won T. 35,621 Klur, ka IGST T. 68,481 Klur (wa kynthup ya ka T. 29,599 klur na ki mar wa wanrah na baar jylla (Import of goods) ka Cess T. 9,445 Klur (wa kynthup ya T. 981 Klur na ki mar wa wanrah na baar jylla).
Hanlada wan biang ka khlam COVID-19 ha ka sien kawa ar kawa da ktah ya kiwa boon bynta ka ri, ka khayi pateiñ won da man ko kawa lai bait neibhah ya ka GST da su ha i por wa biang yong u bnai.
Ka dan GST ha u Naitung 2021 toh kawa boon dooh ha ka chi bnai nadooh wa sdang ya ka GST iwa ku da 14% hawa wyrchaw wa kawa da yoh ha u Wisu (March) 2021.
Ha uni u bnai ka sorkar pyrdi da su pyndep (Settled) ko T. 29,185 Klur cha ka CGST wa T. 22,756 Klur cha ka SGST na ka IGST kamwa da jooh su.
Ka dan wa da yoh ka sorkar pyrdi wa ki sorkar jylla hadien wa su pyndep ya ka dan waroh neibynta u Naitung da man ko T. 57,022 klur ya ka CGST wa T. 58,377 Klur ya ka SGST.
Ka yukheiñ ha wah pynyoo ko ya ka dan GST wa da yoh nadooh u Naichiphaw 2020 hadooh u Wisu 2020 hadooh u Naitung (April) 2021.
