San ngut ki bru da mynsoo ki hadien wa tyngkhooh ha u sainar bordiñ heipor wa lai noh Blai ya u motdur Ganesh iwa da jia ha Virajpet, Kodagu District ka Karnataka ynnin i miet.
Kini kiwa mynsoo toh kiwa chong ha ka kari DJ kawa jrong bha deiwa kynton Speaker hadooh wa tyngkhooh ha u sainar bordiñ.
Na kini ki san ngut da mynsoo joor ar ngut heiwa da kopdiñ leh ka sula uwi wei da pynkit ki cha Hospital wa em ha Mysuru katwa ya kiwi won ki le ngut da pynkit cha ka Hospital wa em ha Madikeri.
Kani ka kari wa kit Speaker toh kawa boodlang ya ka kari wa kit ya u mot Blai yow pynchit ya ki paidbah wa bood dei kjat.
Ini i pynemkaam da kini ki kari wa kit deilang ki Speaker da wanrah i kñium na kiwa boon nadooh kiwa chong chnong wa kiwa chong dukan neidaw wa joor ood i sur hadooh wa krybeh wei yung wei em leh iwa da jia wa haap ki tiar ki tar cha khyndaw.
Man ki leh kiwa da pynthut bha ya kiwa kjut kiwa chitom.
Discussion about this post