Shillong: Ka Bakur Social Welfare Sports Club (BSWSC) daw pynman ko ya ka yakob chaad wa ka Miss Hynniewtrep 2018 ka wow man ha madan Dawki ha ka 16 wa 17 Thohlakhmi (Feb).
Hawa klam ynne ka sngi u President ka BSWSC, u Daniel Khongsit da pyntip u wa ya kani ka yakob da pynman ha u snem wa dadep heiwa da em hadooh 28 ngut ki khyllood kiwa wan chimbynta ha kani ka yakob miat kynthai wei ha uni u snem daw man ko kawa heh wa kawa chongchit bha.
U Daniel u da ong u wa i pynman ya kam kani ka yakob toh wow sai ya ka sap ki khyllood neibhah ka jylla em ko chiboon kiwa em sap tangwa ym em rynsan wow pynyoo ya ki.
Da ong u wa ha ka 16 tarik daw pynman ya ka yakob chaad wei ka khusnaam waroh man ko T. 30, 000 wei ha ka 17 tarik daw pynman ya ka yakop miat kynthai ‘Miss Hynniewtrep’ heiwa ka khusnaam waroh man ko T. 1 lak.
Discussion about this post