Ha i jia wa da pynkhyrngiat ya kiwa boon kiwa da sakhi ha Bulandshahr, Uttar Pradesh heiwa neiliang kiwa ha-yung yong uwi u khynroo wa dang 20 snem uwa da yap nei chah pood pseiñ, da wah ki yei metyap u hapoh ka wah Ganga deiwa ngait wa ini daw pyknhooid i yei bih pseiñ wei daw im biang u.
Uni uwa khlaad da tip kam u Mohit Kumar uwa chong chnong ka Jairampur Kudena wa em ha Bulandshahr District wei da chah pooh pseiñ u haka 26 tarik u bnai wa dep hadien wan thap Vote wei da lai kreh u cha lyngkha.
Nyngkong da pynkit ya oo cha Hospital sorkar wa em ha Bulandshahr heiwa da khlaad noh u tangwa kiwa ha-yung da lai yah won ki oo cha ki Doctor Kabiraj kiwa da ong leh wa da yap u, hadien wym ye u yarap ya oo, da kit yei metyap cha ka wah Ganga wei da ieh oo heini ar sngi.
U Mohit toh uwa puræ Final Year B.Com wei da toh u yaleh Final Exam u haka 4 tarik uni u bani.
Hawa khaddooh neidaw wym khih de u, da sai yei metyap u wei da thang ha Avantika Devi Ghat harood kani hi ka wah.
Discussion about this post