Haap husiar kiwa lai cha Yingkieñ Moo Thlumuwi

Jowai : Ha kini ki tayaw wa ki sngi wada dep da yoh u sakhi yei chimkhia ki bor ka District ka West Jaiñtia Hills wow pynneh wei wow pynmiat ya ki thaw wa emkaam wa ki thaw uiñsawari kam ha kchaaid Krangsuri, ka yingkieñ moo ha Umyaknieh, Ka Nan Pitcher Plant Lake, wa kiwi kiwi weiwa neiliang u WYRTA ha kani ka kynti da chem sa ya kawi ka thaw kawa da pynsihdur ya ka da ki bru paidbah, katæ toh ka Thlumuwi.

Ka kchaaid Muwi man ko kawi na ki thaw wa yoosuk kawa da e kyrpang ka rymaw ya i kawa ka-it bha ki bru u lai ke man ka sngi. Kani em ko harood u sarok na Jowai-Amlarem iwa jngai kamwa 16 Km na Jowai weiwa hawah kani ka kchaaid em leh ka yingkieñ moo kawa da chna da ki maar yow suk ki Syiem Jaiñtia u pynemkaam hawa lai cha ka nangbah lyiur yong ki ha Nartiang.

Ha kani ka thaw da sakhi ya ki bru wa wan uiñke pynngad cha ka man ka sngi wei ym ye ki khlem dam u ku ha kani ka yingkieñ manda poi ki heini.

Related posts

Daw pynman ya ka General Meeting wa nyngkong ka Kur Sumer Pyllun ha Amlarem

November 23, 2024

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

Kani ka yingkieñ yei man kyrpang yong ka da sakhi nei pynman ya ka kam kawi na ki thaw wa da yada katkam ki aiñ ka Archeological Survey of India wei man ka sngi da em bait ki bru kiwa lai uiñke pynngad cha kani ka thaw.

Tangwa ki paidbah kiwa lai ki cha kani ka thaw toh u man ki kiwa husiar bha hawa lai ki cha kani ka yingkieñ neibhah wa em ka thlu krem (cutting) mooyong kawa da ieh khlem tymmoh kawa kmai kamwa 15  la 15 phut wei kawa yillu bha kawa da dap um weiwa pyn chajan kani ka thlu leh da yoh u sakhi yaki dak wa jooh tih mooyong ki bru dang na kini ki por wadadep.

Katkam ka yutip da ong wa ya kani ka thlu mooyong da tih la palat san snem kattu wei da ieh hieh ya ka khlem tymmoh khlem kær wei khlem pyndap hadooh katni weiwa kani ka thlu em jngai ko kamwa 50 meter na ka yingkieñ.

Kani ka thlu em ko pyn ha luti wow lai cha kani ka yingkieñ moo. Kamwow pynkynmoo heini kani ka yingkieñ moo da kheiñ ko chibhah wei da chna biang yeini wada kheiñ heipor wa man DC ka Jaiñtia Hills u ma FR Kharkongor.

Ini i em ini i thlu hajan kani ka thaw pynyoo ko yei habra kiwa tih kiwa ieh khlem kær khlem pyndap wei yoosar ym jooh em leh kiwa jooh johkhe ka, ini wanrah i yei ma ya kiwa laike cha kni ka thaw khamtam ya ki khynnah.