Jowai : Ka lehkmen Brait-abir næ ka Holi yong kiwa ngait ya ka niam Hindu da pynman ya ka ha kyllaiñ ka ri India ka pyrthai wa kamjooh leh da pynman ya ka ha kiwa boon ki thaw hapoh Ri-loom Jaiñtia.
Ha kani ka lehkmen da em leh ka lehniam wei da pynman ya ka ha ki ar næ le sngi chong ha ki thaw wa ka rukom kheiñ sngi kiwa ngait niam Hindu. Ha kani ka lehniam ki paidbah da brait rong ki iwi ya iwi wei da kleh rong leh ya ka um ha ki rong kiwa ha rukom hadien won da siat næ thæh won ki para ki da pynkhreh leh ya ki baam wa thiang yow baam ki.
Ya kani da leh kam ka dak wow pdiang ya ka samoi kawa wanrah yei che wei sdang phooh ki syntu.
Katkam i ngait ka niam Hindu da ong wa u syiem Hiranyakashyap em u uwi u khon uwa pyrtuid u Prahlad wei man u leh kam uwi na kiwa bood skem ya u Blai Vishnu uwa uni u syiem ym em ngait u ya uni u khon yong oo u bood u.
U Hiranyakashyap da kwah u wow tynyap yow khon yong oo wei da khut u ya ka diah u ka Holika kawa em ka that-kup wa em jadu. Kani ka that em ko i bor wow yada ya kiwa kup ya ka nei iñ ha i diñ.
U Hiranyakashyap da hukum u ya ka diah u wow chong hei diñ chirup wa u Prahlad. Hei mut u Hiranyakashyap wa kani ka that-kup daw yada ko ya ka diah u katwa u Prahlad daw yap u nei iñ, tangwa ini i mut sih yong oo da man pathan i mar dei kylla.
Kamwa da ngait wa ym jia iwon iwon wa sñiawsih ya kitu ki bru kiwa ngait blai neibhah u Blai man u kam uwa yada ya ki. Kamtæ u Prahlad da mih u nei diñ wa kyrooh katwa ka Holika da yap ko hei diñ. Haka sngi wa bood hadien wa jia ini da leh sñiawbha hadien wada jop i bha yei sih.
Kani ka lehkmen man ko kawa ym em u khanglaad ya kiwon kiwon kiwa ym ngait ya ka niam Hindu iwa mut wa ki Muslim, ki Khristan, wa kiwi kiwi ye ki u chimbynta haka.
Ha Ri-loom Jaiñtia da lehkmen ya ka Holi ha kiwa boon ki thaw kam ha Jowai, Ladrymbai, Khliehriat, wa kiwi kiwi.
Discussion about this post