15 49.0138 8.38624 1 0 4000 1 https://wyrta.com 300 0

Haap kawi ka kari na yingkieñ Myntdu

0 Comments
Advertisement ad1

Jowai : Kawi ka kari kamai tourist (Alto 800) kawa me ya u number ML-04 C 2746 da haap ko na yingkieñ Myntdu cha tre yingkieñ ynne ka sngi heipor kamwa 1 waje neidaw wa ym krehkaam u brake wa kamjooh sah u steering kani ka kari.

U ma Kelba Pasi u tre kari uwa na ka chnong Nongsutnga ong u wa da mut u lai cha Ummulong wei da sniaw u wa phær i rukom man ka kari wei da sdang ko u kyrbeh wei manda yooh brake u ym em de ksoh ki wei hachwa u poi u ha ka yingkieñ da pyndong u steering cha liang tidiang wei da noh ka kari cha tre yingkieñ.

Advertisement ad1

hap-myntdu1

Da ong u leh wa kari toh kawa dang thymme wa dep sai dang ar bnai donhi. Heipor wa jia ini em u du samen donhi hapoh kari wei ong u wa mut u li booh ka ka kari cha kharkhana neibhah nadooh ynnin da sniaw u wa sdang u steering u pachat ka ka kari cha timun tidiang heipor wa yooh brake u.

Heini i haap kani ka kari u ma Kelba ym em mynsoo u, ong u wa embhah wa dieñ u ya u seat belt. Ongchooh chooh u wa ka kari nyngkong thung ko dei khmat ha i thaw wa chwa u sdang ka yingkieñ wei sah i khmut ko ha chiteiñ wei da kylla won ko tæ haap ko dei khlieh chawah ha tre yingkieñ.

hap-myntdu2

Advertisement ad1

0 Comments

Leave a Reply