Hadien soo bnai wa da yoh u pynlait wei wow sai ya u bru wa haap cha synrang ha Wahgate, Jowai. Ynne won uni u jooh u bru da haap biang u ha ini hi i jooh i thaw.
Kamwa jia ini wa dep, uni u bru daman u uwa da muaid hi wei da em uwi u khynnah wa yoo yeini wa jia heipor chwa ka 11:00 waje ynne i step.
Kiwa yoo ya uni u bru da ong ki wa da lai u chet-chet cha sarok wei man u uwa da muaid bha wei uwa tim sih tim sang.
Ini i thaw wa haap u toh iwa da boon phlang boon jhoor bha wa mih wei da yarap i leh wow yada ya oo nei mynsoo joor wei da neh u ha chiteiñ synrang kamwa jia hi soo bnai nachwa.
Nyngkong da wan wow yarap da ki pulit na Jowai Police Station wei da wan won ki bru ka Fire & Emergency Services deilang wa ki bru ka Civil Defence kiwa da ye wow hiar yow taan biang ya uni u bru cha sarok.
Uni u bru wa tip siñ kam u Nangbah, da ong u wa da mynsoo u malu mala wei da pynkit ya oo cha Jowai Civil Hospital.
Puræ leh: Chapoh synrang haap uwa da muaid ha Wahgate, Jowai
Discussion about this post