Kawi ka kari yong kiwa wan uiñke suwari da lait ko nei jia wa sñiawsih ynnin i janmiet hadien wa uwi u moo wa heh da haap u ha u sarok Shillong–Pynursla–Dawki deiwa tne ya kani ka kari hajan Laitlyngkot.
Ini da jia i rap ha wah ka Laitlyngkot wei kani ka kari toh kawa lai cheiliang Pynursla. Katkam ka khubor wa da yoh, uni u moo da tyllung u najrong deiwa tne ya ka kari neiliang tidiang wei da chah ksih kani ka kari hapyrdi i khyndaw wa em harood sarok. Tangwa da embhah wa kiwa em hapoh kani ka kari ym em mynsoo ki.
Uni u sarok toh uwa pynemkaam da kiwa boon kiwa uiñke suwari yow lai kam cha Mawlynnong wa cha Dawki.
Tangwa nei chna pynheh ya uni u sarok, da man u uwa dang dap dei khyndaw wa ki moo charood wei kamwa man kattæ nadooh ka 11 tarik uni u bnai u khang oo nadooh 10:00 waje i step hadooh 4:00 waje i janmiet wa nadooh 10:00 waje i miet hadooh 5:00 waje i step yow yoh laad u pynchna ha ki bynta Laitlyngkot-Lyngkyrdem ha i bynta wa 24 Km hadooh 34 Km.
Neiliang ki bor pynlai ka Pynursla Sub-Division da kyntu ko ya ki paidbah wow syndong bha khmatam katni wa toh i por hiar slap wei wow yait u lai luti heipor miet.
Discussion about this post