Hadien 2 snem yoh yung skur wa Yung Dorbar thymme ka chnong Ammutong

Hadien ar snem wa booh mooyurim neibynta wow chna yaka yung skur wa thymme ka Ammutong Govt L.P School wa hap hapoh ka Amlarem Civil Sub-Division da u MLA ka thaaiñ, u Lahkmen Rymbui hei mang poisa wa Rs. 44 lak, ynnin ka sngi won ka 17 tarik da man ko ka sngi wow sah kynmoo wei  pynkmen ya u MLA, kiwa sikai, ki khynnah skur wa  waroh kiwa chong chnong ka Ammutong neibhah wa kattæ da yoh ki da ka yung skur wa thymme.

Ya kani ka yung skur thymme da wan wow wai da u MLA ka thaaiñ hi u Lahkmen Rymbui hei emlang u Medling M Swer u MDC ka War East, u C. Lamin uwa man u Incharge SDSEO Amlarem Sub Division, ki paidbah wa chong chnong, nalor kiwa sikai ki khynnah skur wa kiwi haka yalang wa pyllai da u K. Nyalang u Waheh Chnong ka Ammutong.

Ha kani ka jooh ka sngi u Lahkmen Rymbui da wai u leh ya ka Yung Dorbar ka chnong Ammutong kawa da chna hei lut wa Rs. 25 lak lyngba ka Border Areas Development kawa hap hapoh ka SCA (BADP) 2019-2020 ADDL. 

U Lahkmen Rymbui hawa e yei klam da pynsñiaw u yei kmen wada ye u pyndep ya kani ka skur, wei hajrong wa yoh ka yung skur wa pura kattu u yarap elaad ko leh ya ki khynnah wow yoh puræ hadooh Class V ha kani ka skur neibhah nachwa neidaw wa khynnia ya ka Class V da hap lai puræ noh ki cha jngai.

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

Da kyntu u ya kiwa sikai ki khynnah skur wow man kiwa yakrehlang neibynta i kylla, wa neiliang ka sorkar leh neipor cheipor da pyrchang ko u pynbiang ki yung skur, ki Syllabus, wow hikai ya kiwa sikai, wow thung kiwa sikai ha ki thaw wa thylli wa kiwi ki laad ki luti, wei daw pteiñ chooh chaphrang i e yarap.

Heijooh i por ong u wa ympu ye u leh lut waroh wei dang em chiboon i emkaam, kamtæ da kyntu u ya ki paidbah wow e yumut chaka sorkar neibynta wow pynku yaka jylla.

Da pynrap u leh wa hapoh ki 7 tylli ki snem 40  tylli tam ki skur hapoh ka Amlarem kiwa yoh yung skur thymme lyngba ka chnat Education, Border Area lyngba ka MLA scheme wa kiwi de ki chnat sorkar.

Chooh chooh da kyntu u wow pynemkaam hok yeiwa da yoh, wei yow ye u pynku chooh chooh yaka thaaiñ deiwa ong wa emkam u man kiwa skem yumut wei yakrehlang.

Heijooh i por u Lahkmen da pynbna paidbah u leh wa neibynta ka yung dorbar ha Sub Division Amlarem da yoh ya ka mang poisa wa Rs. 3.45 klur wei ym slem de u booh mooyurim noh khnang yow yoh smat u sdang kreh neibynta i myntoi ki paidbah hapoh ka Amlarem Constituency.