Hadien 20 bnai wa khang ka India ya u pood yong ka ya kitu kiwa uiñke suwari kiwa wan na baar ri, ynne ka sngi da pdiang biang ya kitu kiwa da dep yoh tika waroh arsien na ki 99 tylli ki ri wow psiah ki khlem da hap wow chong Quarantine wei wow chah Test tangwa hap ki wow paitbniah yei chait i khiah ki 14 sngi.
Katwa ya kitu kiwa dep yoh tika chisien lane ym pu em yoh tika hap ki wow chah Test COVID-19 pyn hapoh ka Airport wei daw hap ki wow chong Quarantine 7 sngi heiwa ha ka sngi wa 8 daw Test biang ya ki.
Ki ri wa da chah wow wan cha India kynthup ki ya ka USA, UK, Singapore, Australia, Germany, France, Brazil wa kiwi kiwi.
Ki ri kiwa da chah kynthup ki leh ya kitu kiwa da tipmit yei tika wa da pynmih hapoh India kamjooh kiwa pynemkaam ya ki tika wa da tipmit da ka WHO.
Ki ri ki wym pu chah wow wan toh ka China, Japan, South Korea, Indonesia wa kiwi de.
