theme-sticky-logo-alt
theme-logo-alt
Advertisement ad1
Advertisement ad1

Pynkylla ka sorkar ya ki kyndon wow leh Post-Mortem

Advertisement ad1
Advertisement ad1

Ka Ministry of Health and Family Welfare da pyntip ko wa kam chibynta wow pynsuk ya ki paidbah, da pynkylla ya ki kyndon hawa leh ya ka Post-Mortem deiwa chah wow leh ya ini hadien wa sep ka sngi nadooh myntu ka sngi. Najrong kiwa hayung hasem wa kiwa emyatoh, ka kyndon thymme da pynchlur ko leh wow chim yei bynta u bru yow e yarap cha kiwi (Organ Donation & Transplant) kiwa ye u leh ha i por wa biang hadien wa pyndep wow leh ya ka Post-Mortem.

Ka Ministry da ong ko wa ini toh iwa da dep wow chong pyrkhat da ka Technical Committee ha ka Directorate General of Health Services, Union Ministry of Health & Family Welfare. Heiwa da chem wa da em ki thaw sumaar kiwa da leh Post-Mortem heipor miet.

Advertisement ad1

Kamtæ da ong wa i stat ka juk katni toh kawa da lai bha chakhmat wei da biang leh ki bordiñ wow chbæh wa kiwi de ki tiar wow leh Post-Mortem, kamtæ i leh Post-Mortem ha ki Hospital heipor miet toh iwa da chah. Heiyatoh won wa i Organ Donation toh u leh katkam wa emkaam wei ye leh wow leh hadien wa sep sngi ha ki Hospital kiwa biang ki tiar ki tar wa emkaam.

Chooh chooh da ong leh wa hap wow pait lada biang ki tiar wow leh yei kaam yow pyntikna wym ktah yei thong wa da leh Post-Mortem yow chem ya ki sabut. Hap leh wow pyntikna wa em ki laad wow riñ dur hawa leh ya ka Post-Mortem dei miet, yow lait na i chah suba wei wa da leh katkam ka aiñ.

Tangwa lada toh ki kaam chah pynyap bru, i pasi, ki slaitbor, ki doh wa da pyut lane kiwon kiwon ki kaam wa suba wa em i jia wa pyrchah aiñ, ya kam kini ym toh wow chah u leh Post-Mortem heipor miet lait noh wa da em da ka aiñ lane ka hukum wa da phah wow leh yeini.

Share this:
Previous

Wai u Modi ya ka Rani Kamalapati Railway Station kawa da dep pynchan thymme ha Bhopal

Next

Hadien 20 bnai pdiang biang ka India ya kiwa uiñke suwari kiwa na baar ri