Hadien 3 snem jop i dawa ka JYF wow yoh Government HSS hapoh EJH

Ka seiñ Jaiñtia Youth Federation – East Jaiñtia Hills hapoh i yahkhmat u President yong ka, u J. Pala nadooh u snem 2022 da lai booh dorkhat ki ha ka yung krehkaam ka Joint Director of School Education & Literacy, West Jaiñtia Hills ka AP Syiem na i daw wym em tang kawi wot leh ka Government Higher Secondary School hapoh East Jaiñtia Hills.

Hadien 3 tylli ki snem i lai booddien ka seiñ, ynne ka sngi da lai yachem biang ya ka AP Syiem kawa man leh kawa pait ya ki skur wa em hapoh Ri-loom Jaiñtia wei hadien i yaklam da pynsñiaw ka seiñ hakhmat yong ka yei daw wa emkaam ya kani ka skur ha katai ka District neibhah boon ki khynnah chah pynbor ki wow lai Class cha ki skur ki bru samen iwa man iwa sy’at.

Ka seiñ da ong ko wa neiliang yong ka Joint Director da kular ko wa u wai noh ya ka Government HSS ha chnong Rymbai kamwa tip ya ka katni, ka Rymbai Government Secondary School wei u pynku kyrdan noh ya ka cha ka Higher Secondary School.

Chooh chooh da pyntip ko wa u sdang noh u e ya ki form ha uni u bnai wa daw wan wei ya ki Class u sdang chwa ya ka XI (Arts) wei na uwi u snem cha uwi daw sdang won ya ka Science wa Commerce.

Related posts

Daw pynlait ya ki Form Class XI (Commerce) ka Government Boys’ HSS, Jowai

May 5, 2025

Mih pyrtuid ka North Liberty wa Govt. Girls’ Jowai ha ka thup Top 10 ka HSSLC 2025

May 5, 2025

Hajrong ini, ka seiñ da kyntu ko ya ki khynnah wow lai chim won ya ki Form na kani ka skur wa em ha Rymbai deiwa ekhublei ya ka chnat puræ puthi wa ka sorkar jylla.