Shillong: U MLA/MDC uwa man leh kam u Chairman ka Meghalaya State Planning Board, u Lambor Malngiang, hei emlang u B.P. Marak, Chief Engineer (NH), PWD (Roads) ynne da booh mooyurim u neibynta wow chna ya u sarok wa 1.258 km ha Kynton-U-Mon, Nongkrem.
Da mang wow pynlut T. 2.76 klur neibynta uni u sarok wow kynthup i kreh kam i siang psiang lang ya ki 4 tylli ki sarok sarok wa yabi.
U Lambor hawa e i klam da ong u wa i chna sarok ha Kynton U Mon wan i hadien 48 snem deiwa kyntu ya ki paidbah ka chnong wow pyntikna wa lai bait i kreh khnang wow myntoi ki paidbah mynried.
Da pyntip u leh wa ha ki ar snem chiteiñ ki kreh hadooh T. 50 klur da yoh neibynta ka Nongkrem lyngba ka chnat Public Works Department.
Ha kani ka sngi da em leh ki sahep ka PWD, ki Waheh Chnong Shnong ki dkhot ka Dorbar Chnong, Seiñ Kynthai wa ki Seiñ Khynroo.
