15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Hadien 68 snem u chna pynmiat ya ka skur ha North Garo Hills hei lut wa T. 4 klur

U montri rangbah ka jylla, u Conrad Sangma chirup wa u MLA ka Kharkutta, u Rupert Momin ynne da booh mooyurim ki wow chna pynmiat ya ka United Kharkutta Higher Secondary School ha North Garo Hills District.

Ya kani ka skur da sdang ha u 1953 da ki dkhot ki 6 chnong wa kynthup ya ka Kharkutta, Melopara, Tengabari, Salpara, Kholaipara wa Kamagandim, wei ya ka skur da pynman kam ka Deficit ha u snem 1959 wei da tipmit ya ka ha u snem 1981. 

Ha u 2002 da pynku kyrdan ya ka cha ka Higher Secondary wei katkam wa man katni da emkaam bha wow chna pynmiat ya ka. 

Ka skur kamwa man kattæ toh kawa da sih bha hadooh wym ye u pyndap yeiwa emkaam ki khynnah.

U Conrad K Sangma hawa e yei klam da ong u wa i stat i tip toh i bynta wa chimkhia bha ka sorkar wei emkaam bha u pynmiat ya ki. 

Da ong u wa ka skur da e chakri ko 68 snem kattu nadooh wa sdang ya ka ha u 1953 wei da e chakri ko ya ka imlang sahlang ha i stat i tip.

Da kyntu u leh ya ki bor pynlai skur wow pyndep ya i chna ya ka yung skur wa thymme iwa lut T. 4 klur chwa u Kmaichonglad (December) 2022.

U MLA ka Kharkutta, u Rupert Momin da e khublei u ya ka sorkar wa da chynna jngai ko wow pynlait ya ka poisa wow chna pynmiat ya kani ka skur. 

Share this:
Previous

Dawa ka JYF wow booh kor ATM ha Ladrymbai Dongwah

Next

North Garo Hills School gets Rs. 4 Crores for new building after 68 years