Hadien wa wan i chlai um syndet ha Nepal ha ka 26 tarik u August heiwa da yap ki bru palat 1,259 ngut wei dang wiar sa 5,083 ngut heiwa i thooh ya kiwa dang im dang tlot i kat dang mih ki sngi.
Ynne i step da yoh mynsien deiwa ye u sai pynim ya ar ngut kiwa kreh mylla na i Tunnel ha Trishuli 3A Hydropower Project.
Ya kini ki ar ngut wa da ye u sai pynim hadien 9 sngi toh u Sanjay Sah (30) wa u Kabir Maharjan (45) wei ya kini da kit noh cha Birendra Army Hospital ha Kathmandu.
Ka Office u Energy Minister da pyntikna ko yeini ynne heiwa ya ki ar ngut da sai na Tunnel ka Trishuli 3A Hydropower Project.
Ha i Video wa booh ka Nepal Army ha Social Media da yoo wa da sai ya ki ar ngut na Tunnel wei mar mih ki cha lait da mih i kbai kamjooh i thaap kti.
Napoh kani ka Tunnel da yoh leh wow sai ki metyap.
Discussion about this post