15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Hadien chi bnai wa krehkaam ka aiñ ‘Love Jihad’ ha UP, chah kem 51 ngut

Advertisement ad1
Advertisement ad1
Advertisement ad1

Chi bnai hadien wa pynman aiñ pyrchah yaka ‘Love Jihad’ ha Uttar Pradesh, ki pulit ka UP da dep ki wow pynngat ya 14 tylli ki Case hapoh kani ka aiñ kawa da krehkaam nadooh ka 28 tarik u Khoncgonglad (Nov) uni u snem. Waroh da em 51 ngut kiwa da chah kem, heiwa 49 ngut toh kiwa dang em hapoh patok.

Katkam ka yutip, 13 na ki 14 tylli ki Case toh kiwa yatoh wa ki kynthai Hindu heiwa kini toh kiwa da kam toh kiwa da chah pynbor wow kylla cha ka niam Islam. Na kini ki 14 tylli ki Case, du ar tylli ki ujor kiwa wan naka kynthai hi wot katwa kiwi toh kiwa da ujor da kiwa emyatoh wa ka kynthai.

Kani ka aiñ kawa man pyrchah yei pynkylla niam da mynjur ya ka da u UP Governor Anandiben Patel haka 27 tarik u Khonchonglad. Katkam ka yukheiñ, 3 tylli ki Case toh kiwa da Register ha Bijnor, 2 tylli ha Shahjahanpur. Da em leh ha Bareilly, Muzaffarnagar, Mau, Sitapur, Hardoi, Etah, Kannauj, Azamgarh wa ha Moradabad District. Da em leh ka wi ka Case wa ym pu em chem yaka kynthai.

Ha iwi tawan i liang, da em 8 tylli ki Case wa ki chi jur da ong ki toh kiwa chi lok donhi katwa kiwi won ong ki wa toh ki chi chan. Da em leh ki chi jur kiwa ong toh kiwa da dep bia. Ka wi won ka Case toh iwa da kam wa chah pynkylla niam yabor yow man Christan. Ha kani ka Case, da ujor ya pyrchah ki 3 ngut ha Azamgarh.

Du hadien chi sngi wa krehkaam kani ka aiñ, yaka Case wa nyngkong da Register ha Deoranian Police Station ha Bareilly heiwa u pa ka kynthai uwa tip kam u Tikaram Rathore da ujor u wa u Awais Ahmed (22) da pynbor u yaka khon u wow kylla ko yaka niam yong ka. Ki pulit ka Deoranian, Bareilly da kem ki ya u Ahmed haka 3 tarik uni u bnai hadien wa Register yaka ujor.

Share this:
Previous

Da toh pynhaap ya ka wi ka snieh-poisa

Next

Da toh pynwiar ya u chabi kari ha Jowai