Ka KSU Lapangap Unit ynnin da lai e mynsien ko ya ka manyung u (L) Tellmi Talang uwa na chnong Lapangap uwa da chah pynyap dusmon heipor wa dang lai rep lyngkha ha i thaw wa dang kajia pood ka Meghalaya wa Assam.
Ha kani ka sngi da emlang kiwa yahkhmat ka Lapangap Unit, u Augustan Timung kam u President, u Saikia Sumer kam u General Secretary deiwa emlang leh ki dkhot ka Nartiang Circle kiwa da lai e mynsien ya kiwa ha-yung ha-sem yong u (L) Tellmi Talang uwa da chah pynyap ha ki bru ki wym ye u tipmit katwa dang rep lyngkha.
Ynnin da man ko leh i dap chi snem nadooh wa khlaad u Tellmi heiwa da lai leh wow booh syntu ya oo deilang kiwa ha-yung u wa kiwa yahkhmat ka Balang Presbyterian chirup ki dkhot ka KSU Lapangap.
Neiliang u payu u Tellmi, u Eimi Talang da ong u wa hadooh katni wa dadep chi snem nadooh wa khlaad, ki bor ka aiñ ym em yoh ki wow kem ya kiwa emkti wow pynyap dusmon.
Kamtæ neilang ka KSU da ong ko wa daw emlang ko ha chrooh ka yung ka sem wei wow booddien yow pynyoh yei hok yong u (L) Tellmi Talang wa ya ka yung ka sem yong oo.
Puræ leh: Chah tynyap u warep na chnong Lapangap ha i thaw khappood
Discussion about this post